• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

تین سالہ بچی سے مبینہ زیادتی کے الزام میں گرفتار سگے باپ کی ضمانت منظور

میرا شہر
اسلام آباد
29 اگست ، 2025
اسلام آباد (خبر نگار) اسلام آباد ہائیکورٹ نے تین سالہ کمسن بچی سے جنسی زیادتی کے الزام میں گرفتار سگے باپ کی ضمانت منظور کرتے ہوئے کہا ہے کہ ملزم ضمانت کا غلط استعمال یا ٹرائل میں تاخیر کا سبب بنے تو ضمانت کا حق واپس لیا جا سکتا ہے۔ گذشتہ روز جسٹس طارق محمود جہانگیری کی عدالت سے جاری فیصلہ میں عدالت نے ایک لاکھ روپے کے مچلکوں کے عوض ملزم محمد حسیب حفیظ کی ضمانت منظور کی۔ عدالت نے کہا کہ ضابطہ فوجداری کی دفعہ 497 کے تحت مزید انکوائری کے کیس میں ملزم کو ضمانت دی جا سکتی ہے، صرف جرم کی سنگینی عدالت سے ضمانت کا اختیار چھیننے کیلئے کافی نہیں، سپریم کورٹ قرار دے چکی کہ ضمانت ملزم کی مقدمے سے بریت نہیں بلکہ صرف کسٹڈی کی تبدیلی ہے،ریکارڈ کے مطابق کمپلیننٹ بچی کی ماں ہے جس کی یہ دوسری شادی تھی اور اس نے خلع کا دعویٰ دائر کیا، پمز کی رپورٹ کے مطابق بچی سے جنسی زیادتی کے متعلق اس کی ماں نے ڈاکٹرز کو بتایا۔
اسلام آباد سے مزید