• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سی پی او سید خالد ہمدانی کا کھلی کچہریوں کا انعقاد، صحافیوں کا بائیکاٹ

میرا شہر
اسلام آباد
26 اگست ، 2025
راولپنڈی/گوجرخان(سٹاف رپورٹر، نمائندہ جنگ) سی پی او سید خالد ہمدانی نے تھانہ مندرہ اور گوجر خان کے علاقوں میں کھلی کچہریوں کا انعقاد کیا، کھلی کچہریوں میں ایس پی صدر، اے ایس پی گوجر خان، ایس ایچ اوز اور تفتیشی افسران بھی موجود تھے، کھلی کچہریوں میں سول سوسائٹی اور شہریوں نے شرکت کی، سی پی او نے شہریوں کی درخواستوں پر قانون کے مطابق کارروائی کے احکامات جاری کیے ، سی پی او نے افسران کو ہدایت کرتے ہوئے کہا کہ تھانہ آنے والے شہریوں کے مسائل کا فوری حل یقینی بنایا جائے، شہریوں کی جان و مال کی حفاظت اولین ترجیح ہے جسے یقینی بنایا جا رہا ہے۔ جبکہ سی پی او راولپنڈی کی گوجرخان اور مندرہ میں کھلی کچہری،پکچر و وڈیو بنانے پر پابندی عائد کر دی ،مائیک بند کر دئیے گئے،صحافیوں نے بائیکاٹ کیا۔
اسلام آباد سے مزید