ملتان (سٹاف رپورٹر) ڈائریکٹر جنرل ایم ڈی اے رانا سلیم احمد خان نے کہا کہ ملتان شہر کے چوکوں کو خوبصورت بنانے اور انفراسٹرکچر کی بحالی کے لیے اقدامات کیے جا رہے ہیں۔ نشتر چوک پر مونومنٹ کی تعمیر کا کام آخری مراحل میں داخل ہو چکا ہے۔شہر کے مختلف چوکوں کو خوبصورت بنانےکے لئے مونومنٹ کی تعمیر کی جا رہی ہے۔ آرٹ کونسل چوک پر صوفی مجسمہ کی تعمیر سے چوک کو نئی پہچان ملی ہے۔ آرٹس کونسل چوک پر صوفی مجسمہ تعمیر کرنے کے کام کو عوام الناس نے خوب سراہا ہے۔ ڈائریکٹر جنرل ایم ڈی اے رانا سلیم احمد خان نے تعمیراتی کاموں کا جائزہ لیا اور موقع پر ہدایات جاری کیں۔ڈائریکٹر جنرل ایم ڈی اے نے تعمیراتی میٹریل کی کوالٹی کو بھی چیک کیا۔