• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مرضی کی شادی پرخاتون کو ہراساں نہ کرنیکا حکم، تشدد کے ملزم کی ضمانت خارج

میرا شہر
ملتان
30 اگست ، 2025
ملتان(سٹاف ر پورٹر) ایڈیشنل سیشن جج ملتان نے خاتون کو گھر میں گھس کر جان سے مارنے کی دھمکیاں دینے کے مقدمہ میں ملوث ملزم کی عبوری ضمانت منظورکرنے کا حکم دیا ہے مرضی کی شادی کرنیوالی خاتون خشنودہ کو ہراساں و پریشان کرنے سے متعلق درخواست پر ایس ایچ او تھانہ صدر کو ہراساں کرنے سے باز رہنے کا حکم دیا ہے۔اسلحہ کے زور پر شہری کو یرغمال بناکر نقدی رقم اور قیمتی اشیا لوٹنے کے مقدمہ میں ملوث ملزمہ کی ضمانت بعد از گر فتاری خارج کرنے کا حکم،شہری کو تشدد کا نشا نہ بنانے کے مقدمہ میں ملوث ملزم کی عبوری ضمانت پر سماعت وکلا بحث کے بعد خارج کرنے کا حکم ،مین لا ئن سے ڈائر یکٹ تار لگا کر بجلی چوری کے مقدمہ میں ملوث ملزم کی عبوری ضمانت وکلا دلائل کے بعد منظور کرنے کا حکم،امانت میں خیانت کرنے کے مقدمہ میں ملوث ملزم کی عبوری ضمانت خارج کرنے کا حکم،غیر قانونی طور پر گیس ری فلنگ کرنے کے مقدمہ میں ملوث دودکاندار ملزمان کو 30،30ہزار روپے کے ضمانتی مچلکوں کے عوض رہا کرنے کا حکم،منشیات برآمد ہونے کے مقدمہ میں گرفتار ملزمہ کی ضمانت بعد از گر فتاری پر سماعت وکلا دلائل کے بعد منظور،جوڈیشل مجسٹریٹ ملتان نے تیز رفتاری سے ڈرائیونگ کرنے کے مقدمات میں ملوث 3ملزمان کو جوڈیشل ریمانڈ پر جیل بھجوانے کا حکم دیا ہے۔
ملتان سے مزید