فرمان الہی
نماز کے اوقات
اسلام آباد( کامرس رپور ٹر ) پاکستان نے 2600 ارب روپے کا قبل از وقت قرض ادا کر دیا ، وزیر خزانہ کے مشیر خرم شہزاد نے کہا ہے کہ قومی تاریخ میں پہلی مرتبہ تاریخی اقدام کے تحت پاکستان نے وقت سے پہلے ہی 2600 ارب روپے کا قرض ادا کر دیا ۔اس بے مثال اقدام اور مالیاتی ذمہ داری کے نمایاں ریکارڈ اور کامیابی میں وزارت خزانہ نے اسٹیٹ بینک آف پاکستان کے واجب الادا 1633 ارب روپے کے قرضے کو ادا کر دیا اور یہ صرف 59 دنوں میں کیا گیا۔اتوار کو جاری اپنے ایک بیان میں خرم شہزاد نے کہا کہ 30 جون 2025 کو وزارت خزانہ نے 500 ارب روپے کا قرضہ قبل از وقت ادا کر دیا، صرف دو ماہ بعد 29 اگست 2025 کو ڈیبٹ مینجمنٹ آفس نے 1,133 ارب روپے قرضہ کی ایک اور یادگار واپسی سر انجام د ی جس سے سٹیٹ بنک کے قرض کی ادائیگی 1,633 ارب روپے ہو گئی ۔انہوں نے کہا قبل ازیں وزارت خزانہ مالی سال 2025 کی پہلی ششماہی میں 1,000 ارب روپے کا مقامی تجارتی مارکیٹ کا قرض ادا کیا تھا جو پاکستان کی تاریخ میں اس طرح کا قرض کی ادائیگی کا پہلا اقدام تھا، مرکزی بینک اور کمرشل دونوں سمیت، ایک سال سے بھی کم عرصے میں قرض کی کل ریٹائرمنٹ اب 2,600 ارب روپے سے زیادہ ہو گئی ہے جو ملک کی مالیاتی تاریخ میں ایک بے مثال اور فیصلہ کن اقدام ہے جو ابتدائی قرض کی ریٹائرمنٹ کے ذریعے عوامی مالیات کے استحکام اور مالی اعتبار کی بحالی کا عکاس ہے، انہوں نے کہا کہ ایس بی پی کا 30 فیصد قرض جلد ریٹائر ہو گیا۔
