• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

یوٹیلیٹی اسٹورز ملازمین کی یونین اور حکومت کے درمیان تمام معاملات طے پاگئے

آج کا اخبار
اہم خبریں
01 ستمبر ، 2025
اسلام آباد( کامرس رپورٹر )وفاقی وزیر پارلیمانی امور ڈاکٹر طارق فضل چوہدری نے کہا ہے کہ یوٹیلٹی ا سٹورز ملازمین کو 28ارب بیس کروڑ  سے زائد کا پیکج دیا، یوٹیلٹی سٹورز کے ملازمین کے حقوق کا تحفظ یقینی بناتے ہوئے اسکے تمام آپریشن کو بند کردیا گیا ہے،پیکج  وزارت خزانہ نے منظور کر لیا ،ملازمین کو آئندہ ماہ سے ملنا شروع ہوجائےگا، یوٹیلٹی سٹورز ملازمین کی یونین اور حکومت کے درمیان تمام معاملات طے پا گئے ہیں،یوٹیلٹی سٹورز کارپوریشن کے ملازمین کو مجموعی طور پر28 ارب بیس کروڑ روپے سے زائد کا پیکج دیا جارہا ہے۔ان خیالات کا اظہار انہوں نے اتوار کویوٹیلٹی سٹورز کارپوریشن کے عہدیداران کے ہمراہ پریس کانفرنس سے خطاب کرتے ہوئے کیا۔وفاقی وزیر نے کہا کہ یوٹیلٹی سٹورز کارپوریشن کو بڑھتے ہوئے خسارے کی وجہ سے بند کیا گیا ہے، یوٹیلٹی سٹورز کے ملازمین کے حقوق کا تحفظ یقینی بناتے ہوئے اس کے آپریشنز کو بند کردیا گیا ہے،طارق فضل چوہدری نے کہا کہ یوٹیلٹی سٹورز ملازمین کو ازالے کیلئے مختلف پیکجز دیے جائینگے،مستقل اور عارضی ملازمین کو ان کی سروس کے حساب سے اچھے پیکجز دیے جائیں گے۔ پیکج وزیراعظم کی ہدایت پر وزارت خزانہ نے منظور کر لیا ہے اور ملازمین کو یہ پیکج آئندہ ماہ سے ملنا شروع ہوجائےگا۔انہوں نے کہا کہ یوٹیلٹی سٹورز کے کنٹریکٹ ملازمین کو بھی پیکج دیا جارہا ہے۔وزیراعظم کی ہدایت پر آج سے ملک بھر میں یوٹیلٹی سٹورز کے آپریشن کو بندکیا جارہا ہے، ملک بھر میں یوٹیلٹی سٹورز کے اثاثوں کو نیلام کیا جائے گا، یوٹیلٹی سٹورز ملازمین کیلئے متفقہ پیکج تیار کیا گیا ہے،یوٹیلٹی سٹورز ملازمین کو مجموعی طور پر 28.2 ارب روپے کا پیکج دیا جارہا ہے، یوٹیلٹی سٹورز ملازمین کی تعداد 11614 ہے۔
اہم خبریں سے مزید