• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جیکب آباد: فراہمی آب منصوبہ سے شہر کا پانی بند، شہری پریشان

آج کا اخبار
اہم خبریں
01 ستمبر ، 2025
جیکب آباد (نامہ نگار) یو ایس ایڈ کے فراہمی آب منصوبہ سے جیکب آبادکے شہریوں کو پانی کی فراہمی دو روز سے معطل ،بلدیہ کے ٹینکر پر پانی کی فروخت ، عام لوگ پانی کو ترسنے لگے، شہریوں کا کہنا ہے کہ بااثر افراد کو ٹینکر سے پانی فراہم کیا جارہا ہے اور بجلی نہ ہونے کا بہانہ کرکے بلدیہ جیکب آباد نے پانی کا مصنوعی بحران پیدا کیا ہے، تفصیلات کے مطابق شہریوں کو یو ایس ایڈ کے فراہمی آب منصوبے سے بلدیہ جیکب آباد شہر میں پانی فراہم کرنے میں ناکام ہے، دو روز سے شہر کے مختلف علاقوں میں پانی کی فراہمی معطل ہے ،بلال میمن،سریش،مسماۃ رانی،اجے کمار اور دیگر نے پانی کی بندش پر احتجاج کرتے ہوئے کہا کہ بلدیہ نے بجلی نہ ہونے کا بہانہ کرکے شہرمیں پانی کا مصنوعی بحران پیدا کیا ہے جبکہ یو ایس ایڈ کے تعمیر کردہ فلٹر پلانٹ پر جنریٹر اور سولر بھی نصب ہیں لیکن پانی کی فراہمی کیلئے انہیں استعمال نہیں کیا جاتا جو زیادتی ہے، شہریوں کا کہنا ہے کہ بااثر افراد کو ان کے گھروں پر ٹینکر کے ذریعے بلدیہ کی طرف سے پانی فراہم کیا جارہا ہے اور عام شہریوں کیلئے کربلا مچادی گئی ہے۔شہریوں نے کہا کہ پیپلزپارٹی کے چیئر مین بلاول بھٹو زرداری،وزیر اعلی سندھ مراد علی شاہ،وزیر بلدیہ سعید غنی اور یو ایس ایڈ کے حکام پانی کی عدم فراہمی کا نوٹس لیں اور فراہمی آب کے اس منصوبے کو تباہی سے بچا کر اسےچلانے کے لئے بورڈ تشکیل دے کر اس کے حوالے کریں۔
اہم خبریں سے مزید