• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

آل پاکستان ورکرز الائنس یوٹیلیٹی اسٹورز کارپوریشن نے ملازمین کے لئے پیکیج مسترد کر دیا

آج کا اخبار
اہم خبریں
01 ستمبر ، 2025
اسلام آباد(کامرس رپور ٹر )آل پاکستان ورکرز الائنس یوٹیلیٹی سٹورز کارپوریشن نے یوٹیلیٹی سٹورز ملازمین کے لئے پیکیج مسترد کر دیا، ورکرز الائنس کے مرکزی سیکریٹری جنرل سید عارف حسین شاہ نے کہا ہےکہ حکومت اور سی بی اے گٹھ جوڑ ملازمین کے بنیادی حقوق کی خلاف ورزی ہے ، عدالتی حکم امتناع کے باوجود کارپوریشن کی بندش توہین عدالت ہے، ملازمین کے لئے بنائے گئے پیکج میں ملازمین کے بنیادی حقوق کا خیال نہیں رکھا گیا، یہ پیکیج ہائی کورٹ اور این آئی آر سی کے فیصلوں کی توہین ہے ، انہوں نے کہا کہ حکومت کے اس پیکج کو مسترد کرتے ہیں ،اپنی قانونی جنگ جاری رکھیں گے ، آل پاکستان ورکرز الائنس سی بی اے یونین نے ملازمین کے مینڈیٹ کی توہین کی ہے اس کے خلاف بھی عدالت سے رجوع کر رہے ہیں، سی بی اے یونین کو ملازمین کے بنیادی حقوق کا سودا کرنے کا اختیار نہیں ہے، انتظامیہ اور سی بی اے کے درمیان ہونے والے معاہدہ لیبر قوانین کی خلاف ورزی ہے اس معاہدے کی کوئی قانونی حیثیت نہیں ہے ملازمین کے حقوق کا ہر فورم پر دفاع کریں گے۔
اہم خبریں سے مزید