• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ہائی سکیورٹی زون میں آنیوالوں کے کوائف کا اندراج یقینی بنایا جائے، ایس ایس پی

میرا شہر
اسلام آباد
02 ستمبر ، 2025
اسلام آباد ( خصوصی نامہ نگار ) سینئر سپرنٹنڈنٹ آف پولیس سکیورٹی کیپٹن (ر) ذیشان حیدر کے خصوصی احکامات کی روشنی میں اسلام آباد پولیس سکیورٹی ڈویژن ہائی سکیورٹی زون میں و امان کی صورتحال کو برقرار رکھنے کے لئے ہمہ وقت مصروف عمل ہے،اس سلسلہ میں ڈپلومیٹک انکلیو میں واقع سفارت خانوں ،سفیروں کی رہائش گاہوں، اقوام متحدہ کے دفاتراور اہم سرکاری املاک کی حفاظت کو یقینی بنانے کے لئے اسلام آباد پولیس کے افسران موثر انداز میں اپنے فرائض منصبی سر انجام دے رہے ہیں،ایس ایس پی سکیورٹی ڈویژن سید ذیشان حیدرنے ڈیوٹی پر تعینات پولیس افسران کو ہدایات جاری کرتے ہوئے کہا کہ ہائی سکیورٹی زون میں واقع تمام سرکاری و نجی دفاتر اورسفارت خانوں کا تحفظ انتہائی اہمیت کا حامل ہے،دوران ڈیوٹی کسی قسم کی غفلت و لاپرواہی نہ برتی جائے،ہائی سکیورٹی زون میں آنے والے لوگوں کے کوائف کا اندراج یقینی بنایا جائے اور ان کے زیر استعمال گاڑی اور موٹر سائیکل کی جامع تلاشی لی جائے،تمام سرکاری ملازمین اپنا محکمانہ کارڈ ہمراہ رکھیں،تلاشی اور کوائف کے اندراج کے عمل میں ڈیوٹی پر تعینات پولیس افسران کے ساتھ تعاون کریں۔
اسلام آباد سے مزید