• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پولیس کے پبلک ریلیشنز نے اگست کی ماہانہ اینالیٹکس رپورٹ جاری کردی

میرا شہر
اسلام آباد
03 ستمبر ، 2025
اسلام آباد ( ایوب ناصر، خصوصی نامہ نگار )اسلام آباد پولیس کے پبلک ریلیشنز برانچ نے اگست 2025 کی ماہانہ اینالیٹکس رپورٹ جاری کردی ہے جس میں سوشل میڈیا پلیٹ فارمز اور ایف ایم ریڈیو پر شاندار کارکردگی کو اجاگر کیا گیا ہے، یہ رپورٹ فورس کی شفافیت، عوامی خدمت اور جدید ابلاغی ذرائع کے ذریعے کمیونٹی انگیجمنٹ کے عزم کی عکاس ہے۔ماہ اگست کے دوران اسلام آباد پولیس کے آفیشل سوشل میڈیا اکاؤنٹس پر مجموعی طور پر 2,975 پوسٹس شائع کی گئیں جن کے ذریعے لاکھوں شہریوں تک رسائی حاصل کی گئی۔فیس بک پر 860 پوسٹس کے ذریعے 6 کروڑ 9 لاکھ سے زائد شہریوں تک رسائی ہوئی اور 8 لاکھ 90 ہزار سے زیادہ انٹریکشنز ملے۔ اگست کے مہینے میں 111 پروگرام نشر کیے گئے، 397 ٹریفک اپ ڈیٹس دی گئیں جبکہ 9 ہزار 840 عوامی خدمت کے پیغامات نشر کیے گئے تاکہ شہریوں کو آگاہ اور باخبر رکھا جا سکے۔اسلام آباد کیپیٹل پولیس نے ایک بار پھر اس عزم کا اعادہ کیا ہے کہ وہ کمیونٹی پولیسنگ اور عوامی شمولیت کے فروغ کے لیے ہر ممکن اقدامات جاری رکھے گی۔ جدید ابلاغی ذرائع کے موثر استعمال کے ذریعے فورس کا مقصد عوام کے اعتماد کو مزید مستحکم کرنا، شفافیت کو یقینی بنانا اور شہریوں کو بروقت معلومات و آگاہی فراہم کرنا ہے۔
اسلام آباد سے مزید