فرمان الہی
نماز کے اوقات
اسلام آباد (طاہر خلیل) ملک میں رجسٹرڈ ووٹرز کی تعداد 13کروڑ 44 لاکھ 28 ہزار سے تجاوز کر گئی جن میں مرد ووٹرز کی تعداد 7 کروڑ 21 لاکھ 24 ہزار سے متجاوز اور خواتین ووٹرز کی تعداد 6کروڑ 23 لاکھ 4ہزار سے زائد ہے، خواتین اور مرد ووٹرز تعداد میں تناسب 13 فیصد سے کم ہو کر 7 فیصد رہ گیا۔ الیکشن کمیشن(ای سی پی) کے اقدامات اور خواتین کے ووٹوں کے اندراج کی مہم کے نتیجے میں 2018 کے عام انتخابات میں ووٹر فہرستوں میں خواتین اور مردوں کا 11.78 فیصد جنڈر گیپ 2025 میں کم ہوکر 7فیصد تک رہ گیا۔ ای سی پی ذرائع کے مطابق پنجاب میں مرد ووٹرز کی تعداد 4کروڑ 7لاکھ جبکہ خواتین ووٹرز کی تعداد 3 کروڑ 58 لاکھ 62 ہزار سے زائد ہے۔ سندھ میں مرد ووٹرز کی تعداد 1کروڑ 52 لاکھ 15ہزار جبکہ خواتین 1 کروڑ 29 لاکھ 54 ہزار سے زائد ہیں۔
