• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اوپن یونیورسٹی میں عشرہ رحمت للعالمینؐ کے سلسلے میں محفل میلاد کا انعقاد

میرا شہر
اسلام آباد
12 ستمبر ، 2025
اسلام آباد (خصوصی نمائندہ) علامہ اقبال اوپن یونیورسٹی میں عشرہ رحمت للعالمینؐ مذہبی عقیدت و احترام کے ساتھ منایا جارہا ہے۔ وائس چانسلر پروفیسر ڈاکٹر ناصر محمود کی خصوصی ہدایت پر اس عشرے کے دوران مختلف علمی، دینی اور روحانی تقریبات کا اہتمام کیا جا رہا ہے تاکہ طلبہ و طالبات کو سیرتِ طیبہؐ کے سنہری اصولوں سے روشناس کرایا جا سکے۔اس سلسلے میں گزشتہ روز شعبہ پاکستان اسٹڈیز کے زیراہتمام خواتین کی ایک پرنور محفل میلاد منعقد ہوئی۔ پروگرام میں 15 سے زائد خواتین نعت خواں نے بارگاہِ رسالتؐ میں عقیدت کے پھول نچھاور کیے۔ نعتیہ کلام کی گونج سے ہال معطر ہو گیا اور شرکاء بار بار ʼʼسبحان اللہʼʼ کے نعروں سے اپنی روحانی کیفیت کا اظہار کرتے رہے۔
اسلام آباد سے مزید