• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی میں رواں برس قتل کے 385، اغوا کے 2 ہزار 938 واقعات رپورٹ

آج کا اخبار
اہم خبریں
12 ستمبر ، 2025
کراچی( ثاقب صغیر )کراچی میں رواں برس قتل کے 385 ، اغوا ،اغوا برائے تاوان اور بچوں کے اغوا کے 2 ہزار 938 واقعات رپورٹ ہوئے۔ تفصیلات کے مطابق رواں برس شہر کے مختلف علاقوں میں قتل کے 385واقعات رپورٹ ہوئے۔اس دوران شہر قائد میں اقدام قتل کے 686 اور اقدام خودکشی کے 8واقعات رپورٹ ہوئے۔ جنوری میں 55 ، فروری میں 40 ، مارچ میں 44 ، اپریل میں 53 ، مئی میں 65 ، جون میں 33 ، جولائی میں 49 اور اگست میں قتل کے 46 واقعات رپورٹ ہوئے۔اس دوران اغوا کے 2 ہزار 565واقعات رپورٹ کیے گئے۔جنوری میں 288،فروری میں 304 ، مارچ میں 238، اپریل میں 333، مئی میں 388 ، جون میں 320، جولائی میں 352اور ماہ اگست میں اغوا کے 342واقعات رپورٹ ہوئے ۔ رواں برس اغوا برائے تاوان کے 27کیسز رپورٹ ہوئے۔جنوری میں 3 ، فروری میں 1 ، مارچ میں 2 ، اپریل میں 5 ، مئی میں 7 ، جون میں 5 ، جولائی 3 میں اور اگست میں اغوا برائے تاوان کے کا ایک کیس رپورٹ ہوا ۔بچوں کے اغوا کے 346واقعات رپورٹ ہوئے۔جنوری میں 29، فروری میں 33، مارچ میں 28 ، اپریل میں 35 ، مئی میں 52 ، جون میں 41 ، جولائی میں 74اور اگست میں بچوں کے اغوا کے 54 واقعات رپورٹ ہوئے ۔
اہم خبریں سے مزید