• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

دوسرا آل پاکستان چیف منسٹر بلوچستان گولڈ کپ کرکٹ ٹورنامنٹ

میرا شہر
کوئٹہ
14 ستمبر ، 2025
کوئٹہ ( اسٹاف رپورٹر) دوسرا آل پاکستان چیف منسٹر بلوچستان گولڈ کپ کرکٹ ٹورنامنٹ 2025 کے کوارٹر فائنل میں گورنر الیون نے آئی سی اے پشاورکو شکست دے کر سیمی فائنل کے لیے کوالیفائی کرلیا۔ تفصیلات کے مطابق محکمہ کھیل بلوچستان کے زیر اہتمام اور کوئٹہ ریجن کرکٹ ایسوسی ایشن کی نگرانی میں بگٹی اسٹیڈیم میں کھیلا گیا میں جاری دوسرا آل پاکستان چیف منسٹر بلوچستان گولڈ کپ کرکٹ ٹورنامنٹ 2025 کےسلسلے کا کوارٹر فائنل میں گورنر الیون اور آئی سی اے پشاور کے درمیان کھیلا گیا ۔ گورنر الیون کے کپتان نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 227 رنز کا ہدف دیا۔ نمایاں بلے بازوں میں محمد ابراہیم نے 68، اعتزاز نے 47 اور محمد اکبر نے 46 رنز اسکور کیے۔ آئی سی اے پشاور کی جانب سے محمد عرفان نے 3 جبکہ عبید نے 2 وکٹیں حاصل کیں۔ ہدف کے تعاقب میں آئی سی اے پشاور کی ٹیم نے شاندار بیٹنگ کی اور 223 رنز بنا سکی۔ نمایاں اسکوررز میں اوزیر نے شاندار 101 رنز کی اننگز کھیلی جبکہ ثاقب جمیل نے 51 رنز اسکور کیے۔ گورنر الیون کی جانب سے طارق نے 2 کھلاڑیوں کو پویلین بھیجا۔ اس شاندار پرفارمنس پر گورنر الیون کے محمد ابراہیم کو مین آف دی میچ قرار دیا گیا۔
کوئٹہ سے مزید