فرمان الہی
نماز کے اوقات
کراچی (جنگ نیوز) ایشیا کپ ٹی ٹوئنٹی میں بھارت کے خلاف پاکستان ٹیم کی ناقص بیٹنگ دیکھ کر قومی کرکٹ ٹیم کے شائقین کو سابق کپتان بابر اعظم کی یاد ستانے لگی۔ دونوں سابق کپتانوں کو اس فارمیٹ میں سست بیٹنگ کا کہہ کر ڈراپ کردیا گیا ہے۔ انہیں ہیڈکوچ کی جانب سے رن ریٹ بہتر کرنے کا مشورہ دیا جاتا ہے۔ لیکن اتوار کو پاکستان کی سست اور ناکام بیٹنگ دیکھ کر پاکستانی شائقین سابق کپتان بابر اعظم کے حمایت کرنے لگے ہیں۔ شائقین نے ٹیم کی بیٹنگ دیکھ کر ایکس پر اپنے جذبات کا اظہار کرتے ہوتے کہا کہ اس سے اچھا تو بابر اعظم ہی تھے۔ایک اور صارف سعد مقصود نے لکھاکہ بابر اور رضوان کے بغیر پاکستان کی ماڈرن کرکٹ سامنے اور کھیلو بابر کے بغیر انٹرنیشنل کرکٹ شاباش۔ اتوار کو ایشیا کپ کے اہم میچ میں پاکستان ٹیم کا ٹاپ آرڈر بالکل ناکام رہا، اوپنر صائم ایوب صفر پر آؤٹ ہوئے جبکہ کپتان سلمان علی آغا، محمد حارث ، فخر زمان ، حسن نواز بھی بڑا اسکور کرنے میں ناکام رہے۔ پاکستان کی ٹیم نے 9وکٹوں کے نقصان پر 127رنز بنائے جبکہ بھارت نے پاکستان ٹیم کو7 وکٹوں سے شکست دی۔
