فرمان الہی
نماز کے اوقات
اسلام آ باد ( رانا غلام قادر ) رواں سال کے پہلے چھ ماہ میں کن شخصیات کو کیا تحائف ملے ؟؟؟ کابینہ ڈویژن نے یکم جنوری 2025سے لے کر 30 جون 2025 تک کا توشہ خانہ ریکارڈ جاری کر دیا ہے۔ وصول کنندگان نے تمام تحائف توشہ خانہ میں جمع کروا دیے۔ حائف وصول کرنے والوں میں صدر وزیراعظم، وزیر اعلیٰ پنجاب، نائب وزیراعظم، وزیر داخلہ، تینوں سروسز چیفس و دیگر شامل ہیں تحائف میں ڈیکوریشن پیسز، گھڑیاں، الیکٹرک گاڑی‘قالین ‘ جائے نماز، ٹیبل کلاتھ اور کافی سیٹ سمیت دیگر اشیا شامل، کابینہ ڈویژن وصول شدہ تحائف کا تخمینہ کروا رہا ہے کیلنڈر سال 2025کی پہلی ششماہی مدت میں وزیراعظم شہباز شریف کودوگھڑیاں‘ منبر رسول ﷺکا ماڈل ‘دو کتابیں‘ تین شیلڈ‘ایک فریم والی تصویر‘ایک پلیٹ‘ ایک لکڑی کا باکس ‘ہینڈ میڈ سلک کارپیٹ ‘مراکو کا ماڈل ‘ دو روایتی کپ ‘ایک ہاتھی کا مڈل ایک ڈیکوریشن پیس ‘ یاک واز ‘ ہینڈ بیگ ‘سمیت کئی تحائف ملے۔ صدر مملکت آصف علی زرداری کو بھی تحائف ملے جن میں کارپیٹ ‘ ایک کافی سیٹ ‘ دو واز ‘ ٹیبل کلاتھ ‘بیڈ شیٹ ‘ لیڈیز سوٹ ‘ونڈ ٹربائن کا ماڈل ‘پینٹنگ فریم ‘پین ‘ کف لنک سیٹ ‘شیلڈ‘الیکٹرک وہیکل شامل ہیں۔ چیف آف آرمی اسٹاف فیلڈ مارشل سید عاصم منیر کو ترکیہ کے صدر نے ٹی سیٹ کا تحفہ دیا۔ ایئر چیف مارشل ظہیر احمد سدھو کو ڈش آئٹم ملا۔ اور چیف آف نیول اسٹاف ایڈمرل نوید ا شرف کو ٹی سیٹ کا تحفہ ملا۔
