فرمان الہی
نماز کے اوقات
دبئی (نمائندہ خصوصی) ٹوکیوورلڈ ایتھلیٹکس چیمپئن شپ کے جیولن تھرو کوالیفائنگ راؤنڈ کے گروپس کا اعلان کردیا گیا ہے۔ پاکستان کے ارشد ندیم اور بھارت کے نیرج چوپڑا کو علیحدہ گروپس میں شامل کیا گیا ہے۔ ارشد ندیم کو گروپ بی میں ہیں، ان کے تھروز کا آغاز پاکستانی وقت کے مطابق4:45پر ہوگا۔ گروپ میں دو بھارتی روہت یادو اور یاش ویر سنگھ ، عالمی نمبر 3اینڈرسن پیٹرز سمیت جولیس یگو اور لوئیس موریسیو ڈا سلوا بھی شامل ہیں۔ 84.50 میٹر تھرو کرنے والا براہ راست فائنل میں پہنچے گا۔ مجموعی طور پر 12بہترین تھرو کرنے والے کھلاڑی فائنل کھیلیں گے۔ اولمپک گولڈ میڈلسٹ ارشد ندیم نے چیمپئن شپ میں شاندار کارکردگی کیلئے پرستاروں سے دعاؤں کی درخواست کر دی۔ ایک بیان میں انہوں نے کہا کہ بدھ کو کوالیفائنگ راؤنڈ کھیلوں گا۔ میرے لیے دعا کریں کہ اچھا پرفارم کر کے فائنل کیلئے کوالیفائی کروں۔ ورلڈ اتھلیٹکس چیمپئن شپ کا فائنل 18 ستمبر کو ہوگا۔
