• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان میں سیلاب نے ’’انسانی بحران‘‘ کی شکل اختیار کرلی، اقوام متحدہ

آج کا اخبار
اہم خبریں
18 ستمبر ، 2025
نیویارک (اے پی پی)اقوام متحدہ نے کہا ہے کہ پاکستان میں حالیہ مون سون بارشوں اور ان کے نتیجے میں سیلاب کے باعث60لاکھ سے زیادہ افراد متاثر جبکہ 25لاکھ سے زیادہ بے گھر ہوچکے ہیں، سیلاب زدہ علاقوں کی صورتحال’ شدید انسانی بحران’ کی شکل اختیار کرچکی ہے ،عالمی برادری اس بحران سے نمٹنے کے لیے امداد فراہم کرے۔تفصیلات کے مطابق اقوام متحدہ کے ادارہ برائے انسانی امور (او سی ایچ اے) کے سربراہ کالوس گیہا نے پاکستان میں حالیہ بارشوں اور سیلاب سے متعلق رپورٹ میں کہا ہے کہ پاکستان میں ریکارڈ مون سون بارشوں اور سیلاب نے تباہی مچا دی۔کارلوس گیہا نے کہا ہے کہ پاکستان کے علاقوں پنجاب، خیبرپختونخوا اور گلگت بلتستان میں آنے والے سیلاب نے مقامی آبادی کو مکمل طور پر بےیار و مددگار کر دیا ہے اور جو کچھ ہم دیکھ رہے ہیں وہ صرف آغاز ہے، اصل تباہی اس سے کہیں زیادہ ہے۔ رپورٹ کے مطابق جون کے آخر سے شروع ہونے والی شدید بارشوں کے باعث اب تک ایک ہزار کے قریب افراد جاں بحق ہو چکے ہیں جن میں 250بچے بھی شامل ہیں۔
اہم خبریں سے مزید