• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ایشیا کپ سے دستبرداری، پاکستان کو 4 ارب 54 کروڑ کا نقصان ہوسکتا تھا

آج کا اخبار
اہم خبریں
18 ستمبر ، 2025
کراچی (رفیق مانگٹ)پاکستان کرکٹ بورڈ (پی سی بی) کی جانب سے ایشیا کپ سے دستبرداری کی صورت میں پاکستان کو 3 ارب 40 کروڑ سے 4ارب 54 کروڑ روپے (12 سے 16 ملین ڈالر) کا مالی نقصان ہو سکتا تھا ۔بائیکاٹ کی صورت میں نشریاتی معاہدوں اور اسپانسرشپس سے متوقع آمدنی ضائع ہو جاتی۔ سونی پکچرز کا 48ارب روپے کا نشریاتی معاہدہ بھی متاثر ہوسکتا تھا۔ایشین کرکٹ کونسل (اے سی سی) کی آمدنی کا 75 فیصد پانچ ٹیسٹ کھیلنے والے ممالک بھارت، پاکستان، سری لنکا، بنگلہ دیش، افغانستان میں برابر تقسیم ہوتا ہے، یعنی ہر ملک کو 15 فیصد ملتا ہے۔ باقی 25فیصد ایسوسی ایٹ ممالک میں تقسیم ہوتا ہے۔ ایشیا کپ سے پی سی بی کو نشریاتی معاہدوں، اسپانسرشپس اور ٹکٹوں کی فروخت سے 12 سے 16ملین ڈالر کی آمدنی متوقع ہے۔سونی پکچرز نیٹ ورک انڈیا نے 2024سے 2031تک کے لیے48 ارب روپے( 170 ملین ڈالر )کا معاہدہ کیا ہے، جس میں خواتین اور انڈر 19ایشیا کپ کے نشریاتی حقوق بھی شامل ہیں۔
اہم خبریں سے مزید