• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وزیراعظم کی کویت کے ولی عہد سے ملاقات، مشرق وسطیٰ کی صورتحال پر تبادلہ خیال

آج کا اخبار
اہم خبریں
24 ستمبر ، 2025
اسلام آ باد ( نیو زرپورٹر) وزیراعظم شہباز شریف جو اس وقت اقوام متحدہ کی جنرل اسمبلی کے 80ویں اجلاس میں شرکت کیلئے نیویارک کے دورے پر ہیں نے گزشتہ روز کویت کے ولی عہد شیخ صباح الخالد الحمد المبارک الصباح سے ملاقات کی ، دونوں رہنماؤں نے مشرق وسطیٰ کی صورتحال سمیت علاقائی اور بین الاقوامی امور پر بھی تبادلہ خیال کیا اور دو طرفہ اور کثیر جہتی فورمز پر قریبی تعاون کے اپنے عزم کا اعادہ کیا، دونوں ممالک کے درمیان دوطرفہ تعاون کی مثبت پیشرفت پر اطمینان کا اظہار کرتے ہوئے وزیراعظم نے پاکستان کی ان تعلقات بالخصوص تجارت، سرمایہ کاری، زراعت، لائیوسٹاک، افرادی قوت کی برآمد اور صحت کے شعبوں میں تعلقات کو مزید مضبوط بنانے کی خواہش کا اظہار کیا ۔انہوں نے کویت کے امیر شیخ مشعل الاحمد الجابر الصباح کیلئے احترام اور نیک خواہشات کا اظہار کیا، انہوں نے کہا کہ پاکستان اور کویت ہمیشہ ایک دوسرے کیساتھ کھڑے رہے ہیں،انہوں نے پاکستان میں حالیہ سیلاب کے بعد کویت کے اظہار یکجہتی پر ولی عہد کا شکریہ ادا کیا۔ وزیراعظم نے کہا کہ پاکستان رواں برس کے آخر میں کویتی ولی عہد کی پاکستان کے سرکاری دورے پر میزبانی کا منتظر ہے۔
اہم خبریں سے مزید