فرمان الہی
نماز کے اوقات
فرانس کے دارالحکومت پیرس کے شمالی مضافات میں واقع انتہائی گنجان آباد علاقے ویلیئرز لی بیل (Villiers-le-Bel) میں غیر معیاری رہائش اور بہت زیادہ بھیڑ کے خلاف کارروائی کی گئی۔
واضح رہے کہ اس علاقے میں کئی پاکستانیوں کے گھر بھی ہیں۔
بدھ کی صبح فجر کے وقت ویل ڈی اوئیس (Val-d’Oise) میں ایک بڑے آپریشن کے دوران غیر معیاری رہائش اور زیادہ بھیڑ والے مکانات کے خلاف کریک ڈاؤن کیا گیا۔
اس کارروائی میں ٹاؤن کی میئر، نیشنل پولیس اور میونسپل پولیس نے حصہ لیا۔
کارروائی کے دوران ایک زیادہ بھیڑ والا گھر سیل کیا گیا، جبکہ 6 غیر قانونی تارکینِ وطن کو گرفتار کیا گیا اور جعلی پاسپورٹ بھی برآمد ہوئے، مالکان کے خلاف اقدامات بھی کیے گئے۔
مزید برآں بھیڑ بھاڑ اور غیر صحت مند طرز رہائش کو ختم کرنے کے لیے انتظامی و قانونی کارروائی کی گئی، جس میں بعض صورتوں میں قانون شکنی پر ملوث جائیداد کی ضبطی بھی ہو سکتی ہے۔
یاد رہے کہ پیرس کے علاقے ول دی اوز میں ریاستی ادارے اور متعلقہ میونسپلٹی کے تعاون سے غیر معیاری انداز سے بنے مکانات کے خلاف کارروائیاں باقاعدگی سے کی جاتی ہیں۔
ان کارروائیوں کے بعد انتظامی، مالی یا قانونی پابندیاں لگائی جاتی ہیں، جس میں بعض اوقات کچی بستی کے مالک مکان کی جائیداد کی ضبطی بھی شامل ہو سکتی ہے۔
یہ اقدامات مقامی انتظامیہ کی جانب سے شہریوں کی حفاظت اور رہائش کے معیار کو بہتر بنانے کے لیے کیے گئے ہیں، تاکہ غیر قانونی اور غیر محفوظ رہائش کے مسئلے کو مؤثر طریقے سے ختم کیا جا سکے۔
