فرمان الہی
نماز کے اوقات
کراچی (اسٹاف رپورٹر)میئر کراچی بیرسٹر مرتضیٰ وہاب نے ضلع وسطی کے علاقے نیو کراچی 5-D یوسی4 کا دورہ کیا ، انہوں نے یونین کونسل4 کی اندرونی گلیوں میں پیور بلاکس لگانے کے منصوبے کا سنگ بنیاد رکھا، اس موقع پر بلدیہ عظمیٰ کراچی کے محکمہ انجینئرنگ کی جانب سے میئر کراچی کو جاری ترقیاتی کاموں پر بریفنگ دی گئی، میئر کراچی نے خواجہ اجمیر نگری کے دورے میں پیور بچھانے کے کام کا معائنہ کیا، میئر کراچی چائے کے ہوٹل میں شہریوں کے درمیان بیٹھ گئے اور ان کے مسائل سنے اور انہیں جلد حل کرنے کی یقین دہانی کرائی، انہوں نیو کراچی سے خواجہ اجمیر نگری تک موٹرسائیکل پر سفر کیا، اس موقع پر ان کا کہنا تھا کہ وہ ایک عوامی میئر ہیں اور موٹرسائیکل پر علاقے کا دورہ کرنے کا مقصد براہ راست عوام کی مشکلات کو دیکھنا اور ان کے مسائل کو قریب سے جاننا ہے، بعدازاں میئر کراچی نے ناظم آباد ٹاؤن کے علاقے حاجی مرید گوٹھ کا بھی دورہ کیا جہاں علاقے کے مکینوں کی جانب سے ان کا پرتپاک استقبال کیا گیا، انہوں نے کہا کہ حاجی مرید گوٹھ میں ترقیاتی کاموں کی ذمہ داری ناظم آباد ٹاؤن کی تھی تاہم علاقے کے عوام کی مشکلات کو دیکھتے ہوئے کے ایم سی نے فوری طور پر ان سڑکوں اور گلیوں کی حالت بہتر کرنے کے لیے اقدامات کیے۔
