• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

فراڈ متاثرین کو آن لائن رقوم منتقلی کا فیصلہ، نیب کا اہم اقدام

آج کا اخبار
اہم خبریں
25 ستمبر ، 2025
اسلام آباد ( طاہر خلیل )ڈیجیٹلائزیشن کی جانب اہم قدم ، نیب نے فراڈ کے متاثرین کو آن لائن رقم کی منتقلی کا فیصلہ کر لیا،  ڈیجیٹل ادائیگیوں سے متاثرین کو دفاتر کے چکر نہیں لگانا پڑیں گے ، لیفٹننٹ جنرل نذیر احمد ،چیئرمین نیب ,قومی احتساب بیورو نے مالی غبن کے متاثرین کو اپنی رقم وصول کرنے میں درپیش مشکلات کا ازالہ کرتے ہوئے متاثرین کو بازیاب شدرہ رقم آن لائن متنقلی کا فیصلہ کیا ہے۔اس سلسلے میں بدھ کو قومی احتساب بیورو (نیب) میں ایک خصوصی تقریب کا انعقاد کیا گیا، جس کی صدات چیئرمین نیب لیفٹیننٹ جنرل (ر) نذیر احمد نے کی۔تقریب میں ابتدائی طور پر B4U فراڈ کے متاثرین کو براہ راست بازیاب شدہ رقم آن لائن منتقل کی گئی۔تقریب میں ڈپٹی چیئرمین، ڈائریکٹر جنرلز، نیشنل بینک آف پاکستان کی انتظامیہ اور دیگر سینئر نیب افسران نے شرکت کی۔ چیئرمین نے خود متاثرین کے بینک اکاؤنٹس میں رقم کی آن لائن منتقلی کا آغاز کیا، جو کہ ایک اہم پیش رفت ہے۔اس سے قبل نیب پے آرڈرز کے ذریعے ایک وقت میں محدود تعداد میں متاثرین کو رقم ادا کرتا تھا، جس میں کافی وقت لگتا تھا اور متاثرین کو اپنی رقم وصول کرنے کے لیے نیب کے دفاتر آنا پڑتا تھا۔ اب نیب نے اس عمل کو مکمل طور پر ڈیجیٹل کر دیا ہے تاکہ رقم براہِ راست متاثرین کے بینک اکاؤنٹس میں منتقل کی جا سکے، جس سے روایتی اور وقت طلب طریقہ کار کا خاتمہ ہو گیا ہے۔
اہم خبریں سے مزید