• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

قونصلیٹ جنرل آف پاکستان نیویارک میں قونصلر سروسز ایریا کا افتتاح

آج کا اخبار
اہم خبریں
26 ستمبر ، 2025
اسلام آ باد ( نیو زرپورٹر)نائب وزیراعظم اور وزیر خارجہ سینیٹر محمد اسحاق ڈار نے نیویارک میں پاکستان کے تاریخی قونصلیٹ جنرل میں قونصلر سروسز ایریا کا افتتاح کیا۔ یہ قونصلر سروسز ایریا 1948 میں قائم کیا گیا تھا اور اس کی تزین وآر ائش حال ہی میں مکمل ہو ئی ہے۔ جمعرات کو دفتر خارجہ کے مطابق اس موقع پر خطاب کرتے ہوئے نائب وزیراعظم نے کہا کہ بیرون ملک پاکستانی مشنز کی اولین ذمہ داری بیرون ملک مقیم پاکستانیوں کی عزت، کارکردگی اور بہترین ممکنہ خدمات کے ساتھ خدمت کرنا ہے۔ انہوں نے وزیر اعظم محمد شہباز شریف کی قیادت میں حکومت پاکستان کی جانب سے کی جانے والی اصلاحات کا خاص طور پر ذکر کیا جن میں سمندر پار پاکستانیوں کے لیے خصوصی عدالتوں کا قیام، بیرون ملک مشنز سے وڈیو لنک کے ذریعے شواہد کی ریکارڈنگ، مقدمات کی ای فائلنگ، بیرون ملک مقیم پاکستانیوں کو فائلرز کے طور پر تسلیم کرکے ٹیکسیشن اور بینکنگ میں سہولت کی فراہمی ، یونیورسٹیوں اور میڈیکل کالجوں میں ان کے بچوں کے لیے مخصوص کوٹہ، پنجاب اور بلوچستان میں سہولت دفاتر کا قیام، ہوائی اڈوں پر گرین چینل کی سہولت کی بحالی اور 126 ممالک کے لیے آمد سے پہلے ویزا کیٹیگری کا اجراءشامل ہے۔
اہم خبریں سے مزید