• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

انتہاپسندی اور عدم برداشت سیاحت کے فروغ میں بڑی رکاوٹ ہیں، صدر زرداری

آج کا اخبار
اہم خبریں
28 ستمبر ، 2025
اسلام آباد ( نمائندہ خصوصی ) صدر آصف علی زرداری نے عالمی یومِ سیاحت 2025 کے موقع پر خصوصی پیغام میں کہا ہے کہانتہاپسندی اور عدم برداشت پاکستان کی سیاحت کے فروغ میں بڑی رکاوٹ ہیں پاکستان میں سیاحت پائیدار ترقی کا ذریعہ بن سکتی ہے، "سیاحت اور پائیدار تبدیلی" عالمی یومِ سیاحت 2025 کا موضوع قرار دیا گیا ہے۔ ماحولیاتی تبدیلی پاکستان کی سیاحتی ترقی کے لیے بڑا چیلنج ہے، چیئرمین سینیٹ سید یوسف رضا گیلانی نے کہا ہے کہ سیاحت کسی بھی ملک کی معاشی، سماجی اور ثقافتی ترقی میں ریڑھ کی ہڈی کی حیثیت رکھتی ہے ،صدر آصف علی زرداری نے کہا کہ گلیشیئرز کا پگھلاؤ اور شدید موسمی حالات سیاحتی ورثے کے لیے خطرہ ہے،سیاحت سے مقامی معیشت کو فروغ، خواتین و نوجوانوں کو بااختیار بنایا جا سکتا ہے،حکومتِ پاکستان سیاحت کو اقوام متحدہ کے ترقیاتی اہداف سے ہم آہنگ کر رہی ہےگرین سرٹیفیکیشن، کمیونٹی بیسڈ اور ماحولیاتی سیاحت پر توجہ دینے کی ضرورت ہے۔ صدر مملکت نے کہاکہ سیاحت، امن و ہم آہنگی کے فروغ اور ثقافتی ورثے کے تحفظ کا مؤثر ذریعہ ہے۔ پاکستان قدرتی حسن، ورثے اور مہمان نوازی کا حامل ملک ہے،سیاحت کے فروغ میں نجی شعبہ، سول سوسائٹی اور نوجوانوں کا کلیدی کردار ادا کر سکتے ہیں۔ پاکستان کو عالمی سیاحتی مرکز بنانے کے لیے سب کو مل کر کام کرنا ہوگا۔
اہم خبریں سے مزید