فرمان الہی
نماز کے اوقات
دبئی(نمائندہ خصوصی)13واں آئی سی سی ویمنز کرکٹ ورلڈ کپ منگل سے شروع ہورہا ہے۔ افتتاحی میچ بھارت اور سری لنکا کے درمیان گوہاٹی میں کھیلا جائے گا۔ ٹورنامنٹ میں 8 ٹیمیں دفاعی چیمپئن آسٹریلیا، نیوزی لینڈ، جنوبی افریقہ، انگلینڈ، پاکستان، سری لنکا، بنگلہ دیش اور بھارت شامل ہیں۔ پاکستان ٹیم اپنے تمام میچز کولمبو میں کھیلے گی۔ وہ اپنی مہم کا آغاز 2 اکتوبر کو بنگلہ دیش کے خلاف میچ سے کرے گی۔ کپتان فاطمہ ثنا کا کہنا ہے کہ ہم نے کولمبو میں ٹریننگ سیشنز میں حصہ لیا ہے ۔ میں کھلاڑیوں کی توانائی اور کمٹمنٹ سے خوش ہوں۔ ٹیم فاطمہ ثنا( کپتان )، منیبہ علی، سدرہ امین، عالیہ ریاض، شوال ذوالفقار، صدف شمس، نتالیہ پرویز، ایمان فاطمہ ، ڈیانا بیگ، رامین شمیم، سدرہ نواز، عمیمہ سہیل، سیدہ عروب شاہ، نشرہ سندھواور سعدیہ اقبال پر مشتمل ہے۔
