• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ملک میں چینی کی زیادہ سے زیادہ فی کلو قیمت کی ڈبل سنچری مکمل ہوگئی

آج کا اخبار
اہم خبریں
04 اکتوبر ، 2025
اسلام آ باد (رانا غلام قادر)ملک میں چینی کی زیادہ سے زیادہ فی کلوقیمت کی ڈبل سنچری مکمل ہوگئی۔ پی ٹی آئی حکومت کے زیر انتظام پشاور نے چینی کی زیادہ قیمتوں میں پورے ملک کو پیچھے چھوڑ دیا۔ پشاور میں چینی کی فی کلو قیمت200 روپے تک پہنچ گئی۔ کراچی میں چینی کی فی کلو قیمت 195 ، کوئٹہ192، اسلام آباد  سمیت پنجاب میں 190 روپے وصول کی جارہی ہے، ایک ہفتے میں پشاور میں چینی کی فی کلو قیمت میں 5روپے تک کا اضافہ ہوا ہے، کراچی میں چینی کی فی کلو قیمت 195، کوئٹہ 192،اسلام آباد سمیت پنجاب میں 190روپے وصول کی جارہی ہے۔وفاقی ادارہ شماریات نےچینی کی قیمتوں کے نئے اعدادو شمار جاری کرد یے۔ رپورٹ کے مطابق پشاور کے شہری ملک میں سب سے زیادہ مہنگی چینی خریدنے پر مجبور ہیں۔کراچی میں چینی کی فی کلو قیمت 195روپے تک ہے۔ کوئٹہ 192اور اسلام آباد میں چینی کی فی کلو قیمت 190 روپے تک ہے۔ پنجاب میں چینی کی زیادہ سے زیادہ فی کلو قیمت 190روپےتک ہے۔ رپورٹ کے مطا بق ملک میں چینی کی اوسط فی کلو قیمت183 روپے89پیسے پر آگئی ہے۔ ایک ہفتے میں چینی کی اوسط فی کلو قیمت میں 5 پیسے کی کمی ہوئی ہے۔گذشتہ ہفتےتک ملک میں چینی کی اوسط فی کلو قیمت183 روپے94پیسے تھی۔ ایک سال قبل ملک میں چینی کی اوسط فی کلو قیمت137 روپے51 پیسے تھی۔
اہم خبریں سے مزید