فرمان الہی
نماز کے اوقات
کراچی (اسٹاف رپورٹر )ایف آئی اے نے 15سال سے نیب کو مطلوب اشتہاری ملزم کو گرفتار کر لیا۔ ایف آئی اے امیگریشن نے کراچی ایئرپورٹ پر کارروائی کرتے ہوئے نیب کو مطلوب اشتہاری ملزم کو گرفتار کر لیا۔ملزم کامران احمد خان یوگینڈا سے کراچی ایئرپورٹ پہنچا تھا۔ملزم کا نام اسٹاپ لسٹ میں شامل تھا۔ملزم نیب کو گزشتہ 15 سال سے مطلوب تھا۔حکام کے مطابق ملزم نے گرفتاری سے بچنے کے لئے مالٹا کا پاسپورٹ اور ریزیڈنٹ کارڈ استعمال کیا۔ملزم کے خلاف سال 2010 میں نیب کراچی میں ریفرنس درج ہوا تھا۔ابتدائی تفتیش کے مطابق ملزم یو اے ای فرار ہو گیا تھا۔ملزم نے ایجنٹ کی مدد سے 6000 امریکی ڈالر کے عوض مالٹا کا مذکورہ پاسپورٹ اور ریزیڈنٹ کارڈ حاصل کیا۔ملزم کی جانب سے پیش کیا جانے والا پاسپورٹ اور ریزیڈنٹ کارڈ جعلی نکلا۔سفری ریکارڈ کے مطابق ملزم نے کبھی بھی مالٹا کا سفر نہیں کیا تھا،ملزم کا تعلق کراچی سے ہے۔ایف آئی اے امیگریشن کراچی نے ملزم کو بعد ازاں نیب حکام کے حوالے کر دیا ہے۔
