• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

حساس اضلاع میں ڈیوٹی دینے والے جوڈیشل افسران کو سہولیات فراہمی کا فیصلہ

میرا شہر
پشاور
23 اکتوبر ، 2025
پشاور(نیوز رپورٹر) پشاور ہائیکورٹ نے حساس اضلاع میں فرائض سر انجام دینے والے جوڈیشل افسران کی حوصلہ افزائی، انہیں سرکاری رہائش گاہیں اور دیگر سہولیات دینے کا فیصلہ کیا ہے اور اس حوالے سے مراسلہ جاری کردیا ہے۔ پشاور ہائیکورٹ کے مراسلے کے مطابق 15 جولائی 2025 کو ہائیکورٹ کے انتظامی کمیٹی کا اجلاس ہوا۔اجلاس میں حساس اضلاع میں ڈیوٹیاں سر انجام دینے والے جوڈیشل افسران کی حوصلہ افزائی کرنے کا فیصلہ کیا گیا ۔مراسلے کے مطابق ضلع ٹانک، جنوبی وزیرستان ، کرم اور تحصیل میران شاہ میں جوڈیشل افسران کو سہولیات دینے کا فیصلہ کیا گیا ہے کیونکہ یہ علاقے حساس ہیں اور ان میں خدمات انجام دینے والے جوڈیشل افسران کو سہولیات کے ساتھ سرکاری رہائش فراہم کی جائے گی،واضح رہے کہ حساس اضلاع میں کام کرنے والے جوڈیشل افسران کو مختلف مشکلات کا سامنا ہے انہیں سیکورٹی اور سرکاری رہائش گاہوں کی شکایات تھیں جبکہ ان پر حملے بھی ہوئے تھے جس کے بعد انتظامی کمیٹی کے اجلاس میں انہیں سکیورٹی فراہم کرنے کی سفارش کی گئی تھی۔
پشاور سے مزید