• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی کسٹمز کی بڑی کارروائی، بھارتی ساختہ مشینری درآمد کرنے کی کوشش ناکام

آج کا اخبار
اہم خبریں
23 اکتوبر ، 2025
کراچی ( اسٹاف رپورٹر) کراچی کسٹمز کی بڑی کارروائی، بھارتی ساختہ مشینری درآمد کرنے کی کوشش ناکام،24.22ملین روپے مالیت کی مشینری ضبط، میڈ ان انڈیا مشینری پر چینی لیبل لگایا گیا ۔کسٹمز اپریزمنٹ کلکٹریٹ کراچی نےانڈیا سے مس ڈیکلیئریشن کی آڑ میں ٹیکسٹائل مشینری درآمد کرنے کی کوشش ناکام بنادی، کسٹمز اپریزمنٹ ذرائع کے مطابق بھارتی ساختہ 24.22 ملین روپے مالیت کی ٹیکسٹائل مشینری کی ایک کھیپ کا ماخذ ملک چین کو ظاہر کر کے کلیئر کرانے کی کوشش کی گئی، کسٹمز حکام نے بروقت کارروائی کرتے ہوئے ان غیر قانونی اشیا کی کلیئرنس روک دی۔کراچی انٹرنیشنل کنٹینر ٹرمینل اور آف ڈاک ٹرمینلز پر نگرانی مزید سخت کر دی گئی، جبل علی سے بھیجی گئی بھارتی ساختہ دوسری کھیپ کی مالیت کا تخمینہ 16.60 ملین روپے لگایا گیا ہے، اس کھیپ کی مینوفیکچرر پلیٹس اور شناختی نشانات دانستہ طور پر مٹائے گئے تھے، جب کہ برقی آلات پر میڈ اِن انڈیا ثبت پایا گیا۔شنیڈر الیکٹرک کے پاور ڈسٹری بیوشن یونٹ پر مشتمل کھیپ کا ماخذ ملک چین ظاہر کیا گیا تھا، تفصیلی معائنے پر 3.76 ملین روپے مالیت کے پاور ڈسٹری بیوشن یونٹ کے مین پینل ڈور پر میڈ اِن انڈیا واضح طور پر لکھا ہوا پایا گیا۔ گارنیٹ مش 80 (Garnet Mesh 80) پر مشتمل کھیپ کا ماخذ ملک ترکی ظاہر کیا گیا تھا۔ایف بی آر کا کہنا ہے کہ ممنوعہ اشیا کی غیر قانونی درآمد اور غلط بیانی میں ملوث درآمد کنندگان کے خلاف سخت کارروائی جاری رکھی جائے گی۔
اہم خبریں سے مزید