فرمان الہی
نماز کے اوقات
کراچی ( اسٹاف رپورٹر)وزیراعلی سندھ مراد علی شاہ کی زیرصدارت انکلوسیو سٹی سے متعلق اجلاس،وزیراعلی نے گیس کی قلت کے پیش نظر ایل پی جی کو متبادل اپنانے اور منصوبے میں اسپورٹس کمپلیکس کو بھی شامل کرنے کی ہدایت کی۔تفصیلات کے مطابق وزیراعلی سندھ سید مراد علی شاہ کی زیر صدارت وزیراعلی ہاس میں انکلیوسِو سٹی کے بورڈ آف ڈائریکٹرز کا اجلاس ہوا، جس میں 75 ایکڑ پر محیط منصوبے کے جامع ماسٹر پلان کی منظوری دی گئی۔ یہ منصوبہ خصوصی افراد اور معذور شہریوں کے لئے پاکستان کی پہلی جامع کمیونٹی ماڈل کے طور پر تیار کیا جا رہا ہے۔اجلاس میں چیف سیکریٹری آصف حیدر شاہ، سیکریٹری برائے وزیراعلی رحیم شیخ، سیکریٹری محکمہ بااختیاری معذور افراد (ڈی ای پی ڈی پی)طحہ فاروقی، سلطان الانہ، منیر کمال، مروین لوبو، مشتاق چھاپڑا، ارشد شاہد عبداللہ، صوبیہ سلطانہ اور فاروق مظہر نے شرکت کی۔وزیراعلی نے کہا کہ انکلیوسِو سٹی معذور افراد کے لئے صحت، تعلیم، رہائش اور روزگار کی سہولتوں کے ساتھ رسائی، شمولیت اور بااختیاری کی ایک مثالی جگہ ہوگی۔ یہ منصوبہ 75 ایکڑ اراضی پر تعمیر کیا جا رہا ہے جو سندھ حکومت کے تمام شہریوں کے لئے بغیر رکاوٹ ماحول کے وژن کی عکاسی کرتا ہے۔
