فرمان الہی
نماز کے اوقات
کراچی (اسٹاف رپورٹر) قائداعظم ٹرافی کرکٹ ٹورنامنٹ کے چوتھے راؤنڈ کے پہلے دن جمعے کو ملک کے مختلف اسٹیڈیمز میں بیٹرز کا ر اج رہا، تاہم بولرز بھی زور آزمائی میں کسی حد تک کامیاب رہے،اسرار اللہ اور معاذ صداقت نے اسنچریاں سکور کیں۔ ایبٹ آباد کرکٹ اسٹیڈیم میں کراچی بلوز نے لاہور وائٹس کے خلاف پہلے بیٹنگ کرتے ہوئے 5وکٹوں پر 326رنز بنائے تھے۔ رمیز عزیز 77 رنز پر ناٹ آؤٹ ہیں ۔ عمیر بن یوسف 73 اور دانش عزیز 51 رنز بناکر آؤٹ ہوئے۔ ڈائمنڈ کرکٹ گراؤنڈ اسلام آباد میں بہاولپور نے ملتان کے خلاف پہلے بیٹنگ کرتے ہوئے 5وکٹوں پر 276 رنز بنائے تھے۔ سعدخان 74 اور محمد عمار 71 رنز بناکر آؤٹ ہوئے۔ عمران خان اسٹیڈیم پشاورمیں پشاور نے ایبٹ آباد کے خلاف 5 وکٹوں پر 346 رنز بنائے تھے۔ اسرار اللہ نے 117 اور معاذ صداقت نے 114رنز بنائے۔ مرغزار کرکٹ گراؤنڈ اسلام آبادمیں فاٹا کی ٹیم 191 رنز بناکر آؤٹ ہوگئی۔ ریحان آفریدی نے 56 رنز اسکور کیے۔ آفاق آفریدی اور جہانداد خان نے تین تین وکٹیں حاصل کیں۔ فیصل آباد نے کھیل ختم ہونے پر بغیر کسی نقصان کے 127 رنز بنائے تھے۔ شعیب اختر کرکٹ اسٹیڈیم راولپنڈی میں سیالکوٹ نے اسلام آباد کے خلاف 8 وکٹوں پر 365 رنز بنائے تھے۔ اذان اویس 99 رنز پر ناٹ آؤٹ ہیں۔ عاشر محمود نے 73 اور محمد ولید نے 59 رنز سکور کیے۔
