• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ڈی ایچ اے میں تین روزہ کتب میلہ، 125 اسٹال میں ہزاروں کتب موجود

میرا شہر
ملتان
25 اکتوبر ، 2025
ملتان (سٹاف رپورٹر) تین روزہ ملتان عالمی کتب میلہ ایرینا ڈی ایچ اے میں شروع ہو گیا۔ سی سی پی او لاہور سمیت کتب بینی کے شوقین افراد کی شرکت۔ طالب علم بھی پہنچ گئے۔ میلے میں 125 اسٹالز لگائے گئے ہیں جہاں اردو، انگریزی زبان کی نئی و پرانی ہزاروں کتب موجود ہیں، میلہ روزانہ صبح ساڑھے 10 سے رات 8 بجے تک جاری رہے گا۔ کتب میلے میں پنجاب پولیس اور ٹریفک پولیس کے اسٹالز بھی موجود ہیں۔تفصیلات کے مطابق ڈائریکٹر لینڈ، ڈی ایچ اے کرنل شکیل احمد نے فیتہ کاٹ کر عالمی کتب میلے کا افتتاح کیا جس کے بعد قومی ترانے پڑھا گیا اور دعا کی گئی۔ کتب میلہ ایونٹ اینڈ کانفرنس انٹرنیشنل کے تحت منعقد کیا جا رہا ہے۔ افتتاح کے موقع پر دیگر مہمان سی ای او رینبو انکس عبدالرحیم چغتائی، ڈائریکٹر بلنڈ ڈائی اسٹف عبداللہ ذیشان، ڈائریکٹر ایم جی ایپرل خواجہ انیس، منیجنگ ڈائریکٹر نیشنل بک فاؤنڈیشن کامران جہانگیر، ایس پی پنجاب پولیس کائنات اظہر، سی ای او پیشن فوڈز خواجہ جواد، ڈائریکٹر ایونٹ اینڈ کانفرنس انٹرنیشنل راشدالحق، ایس او ایس چلڈرن ویلیج کے کامران یوسف، ملتان آرٹس کونسل کے سلیم قیصر، ملتان میٹرز کی فلزا ممتاز، شوکت اشفاق بھی موجود تھے۔ ایونٹ آرگنائزر راشد الحق نے مہمانوں کو اسٹالز کا دورہ کرایا۔ اس دوران سی سی پی او ملتان صادق ڈوگر بھی اچانک کتب میلے میں پہنچ گئے۔
ملتان سے مزید