فرمان الہی
نماز کے اوقات
کراچی (نیوز ڈیسک) فرانس کی قطر و امارات کو رافیل طیاروں کی فروخت سے بھارت پریشان، دونوں ممالک نے پاکستانی و ترک پائلٹس کو رافیل اور میراج طیاروں پر تربیت کی اجازت دی جس سے بھارت کو نام نہاد فضائی برتری ختم ہونیکا خدشہ پیدا ہوگیا۔ بھارتی میڈیا کے مطابق فرانس کی جانب سے قطر اور متحدہ عرب امارات کو جدید رافیل لڑاکا طیاروں کی فروخت نے بھارتی فضائیہ کے لیے نئے اسٹریٹجک خدشات کو جنم دیا ہے۔ رپورٹس کے مطابق ان دونوں ممالک نے پاکستانی اور ترک پائلٹس کو رافیل اور میراج طیاروں پر تربیت کی اجازت دی، جس سے بھارتی فضائیہ کی خفیہ ٹیکنالوجی افشا ہونے کا امکان بڑھ گیا ہے۔ بھاری میڈیا کے مطابق یورپی دفاعی تجزیہ کار بابک تغوائی کا کہنا ہے فرانس کی نرمی برتنے والی برآمدی پالیسی دراصل ان ٹیکنالوجیز کو ان ممالک تک پہنچا رہی ہے جو نیٹو یا بھارت کے حریف سمجھے جاتے ہیں۔
