• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وزیراعظم شہباز شریف کی احسن بھون کو اسلام آباد بار اور پنجاب بار کے انتخابات میں واضح برتری پر مبارک باد

آج کا اخبار
اہم خبریں
03 نومبر ، 2025
اسلام آباد( نیو زرپورٹر)وزیراعظم محمد شہباز شریف نے انڈیپینڈنٹ گروپ اور اس کے سربراہ احسن بھون کو اسلام آ باد بار کونسل اور پنجاب بار کونسل کے انتخابات میں واضح برتری پر مبارک باد دی ہے۔ وزیراعظم نے انڈیپینڈنٹ گروپ، احسن بھون اور جیتنے والے تمام وکلا کے لئے نیک خواہشات کا اظہار کیا ہے۔ اپنے تہنیتی پیغام میں وزیر اعظم نے کہا ہے کہ وکلاء برادری جمہوریت کی مضبوطی، انصاف کو یقینی بنانے اور شہریوں کے حقوق کے تحفظ میں اہم کردار ادا کرتی ہے۔ مجھے یقین ہے کہ نو منتخب نمائندے دیانتداری، پیشہ ورانہ مہارت اور معاشرے کے لئے ذمہ داری کے گہرے احساس کے ساتھ اپنی خدمات انجام دیتے رہیں گے۔ وزیر اعظم نے مزید کہا کہ مجھے امید ہے آپ عدلیہ اور قانون کی سر بلندی کے لیے بھی اپنا اہم کردار ادا کرتے رہیں گے ۔ وزیراعظم نے کہا کہ وزیرِ قانون وکلا کے مسائل کے حل کے لیے سرگرم عمل ہیں ۔وکلا برادری کے مسائل کے حل کے لیے وزیرِ قانون اعظم نذیر تارڑ مسلسل کوشاں اور ان سے رابطےمیں رہتے ہیں۔ وزیر اعظم نے کہا کہ وکلا برادری نے سیاسی وابستگیوں سے بالاتر ہو کر اصولی مؤقف اپنایا. اصول پر ووٹ دینے کا ثمر کامیابی کی صورت میں ملا۔
اہم خبریں سے مزید