• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

2025 رول آف لا انڈیکس، پاکستان 130 ویں نمبر پر برقرار

آج کا اخبار
اہم خبریں
04 نومبر ، 2025
کراچی (نیوز ڈیسک) 2025 رول آف لا انڈیکس میں پاکستان 130 ویں نمبر پر برقرار رہا، ڈنمارک دنیا کا سب سے قانون پسند ملک قرار، امریکا 27ویں ، بھارت 79ویں،چین 92ویں نمبر پررہے ، دنیا کے بیشتر ممالک میں قانون کی بالادستی کمزور ہوئی ، 68فیصد نےگزشتہ سال کے مقابلے میں زوال دکھایا۔ فہرست کے آخر میں وینیزویلا 143 اور افغانستان 142پر براجمان رہے، روس اور سوڈان نے بھی نمایاں گراوٹ دکھائی۔غیرملکی میڈیا کی رپورٹ کے مطابق ورلڈ جسٹس پروجیکٹ (WJP) کے 2025 رول آف لا انڈیکس کے حساب سے دنیا کے بیشتر ممالک میں قانون کی بالادستی کمزور ہوئی ہے، جہاں 68 فیصد ممالک نے گزشتہ سال کے مقابلے میں زوال دکھایا۔ رپورٹ کے مطابق ڈنمارک مسلسل پہلے نمبر پر ہے، اس کے بعد ناروے، فن لینڈ اور سویڈن ہیں۔ دوسری جانب امریکہ کی درجہ بندی 27 ویں نمبر پر آ گئی ہے، جب کہ چین 92 ویں نمبر پر پہنچ کر قدرے بہتر ہوا ہے۔ پاکستان بدستور 130 ویں نمبر پر موجود ہے، جبکہ بھارت 79 ویں پوزیشن پر رہا۔ فہرست کے آخر میں وینیزویلا (143) اور افغانستان (142) شامل ہیں، جب کہ روس اور سوڈان نے بھی نمایاں گراوٹ دکھائی ہے۔ رپورٹ میں کہا گیا ہے کہ دنیا بھر میں حکومتی طاقت پر پابندیوں میں کمی اور آمریت کے رجحانات کے باعث قانون کی حکمرانی خطرے میں ہے۔
اہم خبریں سے مزید