• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان نے سرحد پار سے آنیوالے خودکش ڈرونز کا توڑ تیار کرلیا

آج کا اخبار
اہم خبریں
06 نومبر ، 2025
کراچی (جنگ نیوز/ایجنسیاں)پاکستان نے سرحد پار سے آنے والے خودکش ڈرونز کا توڑ تیار کرلیا۔نیشنل الیکٹرونکس کمپلیکس میں تیار’’صفرا ڈرون جیمرگن ‘‘ نے کامی کازی ڈرون ناکارہ کرنا شروع کر دیے اور یہ جیمنگ گن ڈیڑھ کلو میٹر دور سے ڈرون کو نشانہ بنا کر اسے اور اس کے ریموٹ کنٹرول کو ناکارہ کر دیتی ہے۔ایکسپو سینٹرکراچی میں پاک بحریہ کی پائمیک نمائش کے دوران اینٹی ڈرون جیمر گن متعارف کرادی گئی۔ گن ڈیڑھ کلومیٹر کی رینج میں آنے والے تمام کمرشل ڈرونز کو ناکارہ بناسکتی ہے۔اینٹی ڈرون جیمر گن بنانے والی کمپنی کے منیجر حمزہ خالد نے بتایا کہ گن تھرٹی ڈگری کے اینگل پر ڈیڑھ کلو میٹر کی رینج میں کام کرتی ہے جبکہ ضرورت کے مطابق اس کے اینگل تبدیل بھی کیے جاسکتے ہیں‘اس رینج میں آنے والے تمام ڈرونز کا کنٹرول حاصل کر لیا جاتا ہے یا انھیں ناکارہ بناتے ہوئے اپنے پاس لینڈ کروالیا جاتا ہے۔
اہم خبریں سے مزید