• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشاور میں 5سال بعد اسنیپ چیکنگ کا سلسلہ دوبارہ شروع کر دیا گیا

میرا شہر
پشاور
10 نومبر ، 2025
پشاور (این این آئی) خیبر پختونخوا کے جنوبی اضلاع میں دہشت گردوں کے پے درپے حملوں میں اضافے کے باعث پشاور کے نواحی علاقوں بڈھ بیر، متنی، حسن خیل، وارسک، ریگی، ارمڑ اور قبائلی ضلع خیبر سے متصل چیک پوسٹوں پر اسنائپر تعینات کر دیئے گئے۔ اگلے مرحلے میں تھرمل ٹیکنالوجی پشاور پولیس کو حساس مقامات کی سکیورٹی کے لئے فراہم کئے جائیں گے، امن و امان کی صورتحال کے پیش نظر تقریباً پانچ سال بعد سکیورٹی فورسز اور پولیس نے دوبارہ سے خصوصی اسنیپ چیکنگ کا آغاز کر دیا۔ پولیس حکام کے مطابق پاک آرمی کی جانب سے شہر کے مختلف علاقوں میں سکیورٹی اور امن و امان کے قیام کیلئے خصوصی ناکہ بندی اور چیکنگ کا مقصد جرائم پیشہ عناصر کی نقل و حرکت پر قابو اور عوام کے جان و مال کا تحفظ یقینی بنانا ہے۔ پولیس و آرمی اہلکار مختلف شاہراہوں اور داخلی و خارجی راستوں پر مؤثر نگرانی انجام دینے لگے۔ پولیس حکام کے مطابق قبائلی علاقوں اور خاص طور پر خیبر پختونخوا کے جنوبی اضلاع میں آئے روز پولیس اور قانون نافذ کرنیوالے اداروں کیخلاف حملوں کے بعد پشاور میں پولیس اور سکیورٹی فورسز نے شہر کے داخلہ و خارجی راستوں سمیت بڑی شاہراہوں پرخصوصی اسنیپ چیکنگ کا فیصلہ کیا ہے۔
پشاور سے مزید