فرمان الہی
نماز کے اوقات
اسلام آبادد( نیو زرپورٹر)وزیرِ اعظم محمد شہباز شریف نے حکومتی اور اتحادی جماعتوں کے سینیٹرز کے اعزاز میں عشائیہ دیا۔ وزیر اعظم نے سینیٹرز کا خیر مقدم کیااور 27ویں آئینی ترمیم کی منظوری کے عمل میں ان کے تعاون کا شکریہ ادا کیا ،عشائیہ میں مسلم لیگ ن ۔ پیپلز پارٹی۔ ایم کیو ایم ۔ بلوچستان عوامی پارٹی سمیت تمام اتحادی جماعتوں اور بعض آزاد ممبران سینٹ نے شرکت کی۔وزیر اعظم نے اجلاس سے خطاب کرتے ہوئے کہا کہ صدر مملکت آصف علی زرداری کے اور تمام اتحادی جماعتوں کے سربراہوں کے مشکور ہیں۔ وزیرِ اعظم نے کہا کہ اس حکومت کے دوران حاصل کیے گئے تمام سنگ میل حکومت اور اتحادی جماعتوں کے باہمی تعاون کا نتیجہ ہیں۔ پاکستان کی سفارتی کامیابیاں اور دنیا میں نام تمام اتحادی جماعتوں کے مابین ہم آہنگی اور باہمی اتحاد کی عکاس ہے۔ تمام اتحادی جماعتوں نے اس قومی سوچ کا بھرپور ساتھ دیا۔ انہوں نے وفاق کی مضبوطی، ملک کے وسیع مفاد، صوبوں کے درمیان ہم آہنگی بڑھانے اور گورننس کو بہتر کرنے کے لئے 27ویں آئینی ترمیم کیلئے ہم سب نے مل کر کوشش کی۔ وزیراعظم نے کہا کہ ہم سب کی مشترکہ کوششوں کی بدولت پاکستان کو شاندار مقام حاصل ہوا ہے۔ انہوں نے کہا کہ ملکی معاشی صورتحال میں بتدریج بہتری ہو رہی ہے۔اللہ کے فضل و کرم سے ملک میں سیاسی و معاشی استحکام کی بدولت ملک کی سمت درست ہوئی۔ملک کی ترقی و خوشحالی کیلئے سب کو مل کر کام کرنا ہے۔ذرائع کے مطابق اآج حکومتی اور اتحادی جماعتوں کے ارکان سینٹ کے اعزاز میں ناشتہ بھی دیا جا ئے گا۔
