فرمان الہی
نماز کے اوقات
کراچی (نیوز ڈیسک) امریکی جج نے صدر ٹرمپ کے قانون پر حملے کےخلاف احتجاجاً استعفیٰ دے دیا۔ اب خاموش رہنا ناقابلِ برداشت ہے، وفاقی جج مارک ایل وولف نے 50 سالہ سروس کے بعد عہدہ چھوڑ دیا۔ جج نے اخبار میں مضمون لکھا کہ عدلیہ جمہوریت کے تحفظ کی علامت ہے۔ ٹرمپ قانون کو سیاسی انتقام کیلئے استعمال کر رہے ہیں۔ امریکی میڈیا کے مطابق وفاقی عدالت کے جج مارک ایل وولف نے صدر ڈونلڈ ٹرمپ کی جانب سے قانون کو سیاسی مقاصد کے لیے استعمال کرنے کے الزام میں اپنا استعفیٰ دے دیا ہے۔ وولف، جنہیں صدر رونالڈ ریگن نے مقرر کیا تھا، نے اپنے مضمون میں لکھا کہ ’’ٹرمپ مخالفین کو نشانہ بنا رہے ہیں جبکہ اپنے حامیوں اور سرمایہ کار دوستوں کو سزا سے بچا رہے ہیں‘‘۔
