فرمان الہی
نماز کے اوقات
کراچی(اسٹاف رپورٹر) قائداعظم ٹرافی کرکٹ ٹورنامنٹ کے ساتویں راؤنڈ کے دوسرے دن ٹیسٹ کپتان شان مسعود نے سنچری اسکور کی۔ ملتان کے علی عثمان نے میچ میں دس وکٹ لئے۔ شعیب اختر اسٹیڈیم راولپنڈی میں ایبٹ آباد کی ٹیم پہلی اننگز میں 191 رنز بناکر آؤٹ ہوگئی۔ ثاقب خان نے 34 رنز دے کر 7 وکٹیں حاصل کیں۔ کراچی بلوز نے دوسری اننگز میں 3 وکٹوں پر 202 رنز بنائے تھے۔ شان مسعود 114 رنز بناکر ناٹ آؤٹ ہیں۔ ایبٹ آباد اسٹیڈیم میں اویس ظفر کے 148 کی مدد سے فیصل آباد نے 386 رنز بنائے۔ حنین شاہ نے 84 رنز دے کر 5 وکٹیں لیں ۔ اسلام آباد پہلی اننگز میں 159 رنز بناکر آؤٹ ہوگئی۔ خرم شہزاد نے 53 رنز دے کر 5 وکٹیں حاصل کیں۔ پشاور میں فاٹا نے پہلی اننگز میں 396 رنز بنائے ۔ ریحان آفریدی 88 رنز بناکر آؤٹ ہوئے۔ بہاولپور کی ٹیم پہلی اننگز میں 146 رنز بناسکی ۔ حیات اللہ نے 71 رنز دے کر 6 وکٹیں حاصل کیں۔ بہاولپور کو فالوآن ہوا ۔ اسلام آباد میں لاہور وائٹس پہلی اننگز میں 230رنز بناکر آؤٹ ہوگئی ۔ قاسم اکرم نے 82 رنز بنائے۔ ساجد خان نے 5وکٹیں حاصل کیں۔ پشاور نے دوسری اننگز میں 2وکٹوں پر 108 رنز بنائے تھے۔ ملتان پہلی اننگز میں 139 رنز بناکر آؤٹ ہوگئی۔ اسامہ میر اور مہران ممتاز نے پانچ پانچ وکٹیں حاصل کیں۔ سیالکوٹ دوسری اننگز میں 241رنز بناکر آؤٹ ہوگئی۔ حسن علی نےدسویں نمبر پر91رنز اسکور کیے۔ علی عثمان نے5 وکٹیں حاصل کیں۔ ملتان کو 288 رنز کا ہدف ملا ہے۔ کھیل ختم ہونے پر 2 وکٹوں پر 103 رنز بنائے تھے۔
