اسلام آباد(ایجنسیاں)پاکستان نے سندھ طاس معاہدے پر مقدمہ کے ضمن میں عالمی ثالثی عدالت اور غیر جانبدار ماہر کے فیصلوں کا خیر مقدم کیا ہے جسکے مطابق بھارت کی غیر حاضری کے باوجود ویانا میں کارروائی طے شدہ شیڈول کے مطابق ہوگی۔دفتر خارجہ کا کہنا ہے کہ بھارت نے اپنی شرکت روکنے کا فیصلہ کیا ہے جبکہ پاکستان اس عمل میں نیک نیتی کے ساتھ مکمل طور پر شریک ہے۔ وزارتِ خارجہ نے کہا ہے کہ سندھ طاس معاہدے کے تحت بھارت کیخلاف پاکستان کی جانب سے شروع کی گئی ثالثی کارروائی کے تناظر میں ثالثی عدالت نے اپنے حالیہ فیصلے میں بعض اہم امور پر وضاحت فراہم کی ہے۔یہ وضاحت 8اگست 2025کو جاری کیے گئے عدالت کے ’عام تشریحی معاملات سے متعلق ایوارڈ‘ کے حوالے سے کی گئی ہے۔ وزارت خارجہ کے مطابق پاکستان نے ثالثی عدالت کے فیصلے اور اس کے ساتھ جاری کردہ ’عملی احکامات‘ کا بھی نوٹس لیا ہے جن میں کہا گیا ہے کہ عدالت کارروائی کو مرحلہ وار جاری رکھے گی ۔
فرمان الہی
نماز کے اوقات
