کراچی( سید محمد عسکری) سمندر میں ڈوب کر جاں بحق ہونیوالے ڈاؤ یونیورسٹی آف ہیلتھ سائنسز کے فائنل ایئر کے طالبعلم احمد کاشف رسول اور اشہد عباس فاطمی کی نماز جنازہ جمعرات کو ادا کردی گئی۔ احمد کاشف رسول کی نماز جنازہ ڈی ایچ اے فیز ون کی مسجد مصطفی میں ادا کی گئی اور آہوں اور سسکیوں کے ساتھ مقامی قبرستان میں سپرد خاک کردیا گیا۔ نماز جنازہ اور تدفین میں ڈاؤ کے اساتذہ، طلبہ اور عزیز و اقارب نے بڑی تعداد س میں شرکت کی۔ اشہد عباس فاطمی کی نماز جنازہ کنٹری گارڈن اپارٹمنٹ گلستان جوہر کی مسجد میں ادا کی گئی جب کہ اشارب منیر چوہدری کی میت ٹوبہ ٹیک سنگھ روانہ کردی گئی۔ جمعرات کو ڈاؤ یونیورسٹی آف ہیلتھ سائنسز میں سوگ کی کیفیت رہی اور اور طالب علم افسردہ دکھائی دیئے۔ ڈاؤ یونیورسٹی کے وائس پرنسپل ڈاکٹر صباء سہیل کے مطابق ڈاؤ یونیورسٹی کی وائس چانسلر اور اساتذہ ڈوب کر جاں بحق ہونے والے طلبہکی تعزیت کے لیے جمعہ کو گھر پر جائیں گے اور اہل خانہ سے تعزیت کریں گے جب کہ یونیورسٹی کی جانب سے جان بحق ہونے والے طلبہ کے لیے جمعہ کے روز تعزیتی اجلاس معین آڈیٹوریم میں صبح 9بجے ہوگا۔ علاوہ ازیں سمندر میں بچنے والے تین طلبہ کو ٹراما سینٹر منتقل کیا گیا جہاں دو طلبہ رضوان اور ربیع کو طبی امداد دے کر داخل کر لیا گیا ہے جبکہ ایک طالب علم عبدالمجید کو میڈیکل آئی سی یو منتقل کر دیا گیا ہے۔ ڈاؤ یونیورسٹی کے وائس چانسلر ڈاکٹر نازلی حسین نے زیر علاج طلبہ کی طبی نگہداشت کے لیے خصوصی ہدایت جاری کی ہیں جب کہ سول اسپتال کی انتظامیہ ان کی خصوصی نگہداشت کر رہی ہے۔
فرمان الہی
نماز کے اوقات
