فرمان الہی
نماز کے اوقات
بدنامِ زمانہ جنسی مجرم جیفری ایپسٹن نے 2018ء میں بانیٔ پی ٹی آئی کو امن کے لیے خطرہ قرار دیا تھا۔
یہ انکشاف جیفری ایسپٹن کی امریکی ایوانِ نمائندگان میں پیش کی جانے والی ای میلز میں ہوا۔
ڈیموکریٹس کی پیش کردہ ای میلز کے مطابق پاکستان میں تحریکِ انصاف کی عام انتخابات میں کامیابی کے بعد 31 جولائی 2018ء کو ایک نامعلوم فرد کے ساتھ اپنی ای میل گفتگو میں پی ٹی آئی کے بانی کا ذکر کیا۔
اس ای میل میں جیفری ایپسٹن نے ترک صدر طیب اردوان، ایران کے خامنہ ای، چین کے صدر شی جن پنگ اور روسی صدر پیوٹن کی نسبت عمران خان کو امن کے لیے زیادہ بڑا خطرہ قرار دیا۔
ای میل کا جواب دینے والے شخص نے پوچھا کہ پاکستان والا پاپولسٹ؟ جس پر جیفری ایپسٹن نے لکھا انتہائی بری خبر۔
جیفری ایپسٹن نے بظاہر عمران خان کی طرف اشارہ کرتے ہوئے لکھا کہ وہ ڈونلڈ ٹرمپ کو آئن اسٹائن بنا کر پیش کرتا ہے، سچ بولنے کے قابل نہیں، کٹر اسلامسٹ ہے۔
جیفری ایپسٹن نے یہ دعویٰ بھی کیا کہ میری 2 دوستوں سے شادی کر چکا ہے، جس میں ایک جمی گولڈ اسمتھ کی بیٹی ہے اور اُس کو زبردستی مذہب تبدیل کروایا۔
اس نے ای میل میں یہ بھی لکھا کو وہ کرکٹ کپتان ہے، شطرنج کا کھلاڑی نہیں لیکن ہجوم کو جوش دلانے میں بہت ماہر ہے۔
