فرمان الہی
نماز کے اوقات
کراچی (اسٹاف رپورٹر) آئی سی سی مینز انڈر 19 کرکٹ ورلڈ کپ کے شیڈول کا اعلان کر دیا گیا۔ ایونٹ آئندہ برس 15 جنوری سے 6 فروری تک نمیبیا اور زمبابوے میں کھیلا جائے گا۔ پاکستان کی انڈر 19 ٹیم 16 جنوری کو انگلینڈ کے خلاف، 19 جنوری کو اسکاٹ لینڈ کے خلاف اور 22 جنوری کو زمبابوے کے خلاف میچ کھیلے گی۔ پاکستانی ٹیم وارم اپ میچ 10 جنوری کو بنگلا دیش اور 13 جنوری کو نیوزی لینڈ کے خلاف کھیلے گی۔ 16 ٹیموں کو 4 گروپس میں تقسیم کیا گیا ہے ، وارم اپ میچز 9 سے 14 جنوری تک ہوں گے۔ گروپ اے میں بھارت، بنگلہ دیش، امریکا اور نیوزی لینڈ، گروپ بی میں زمبابوے، پاکستان، انگلینڈ اور اسکاٹ لینڈ ، گروپ سی میں آسٹریلیا، آئر لینڈ، جاپان اور سری لنکا جبکہ گروپ ڈی میں تنزانیہ، ویسٹ انڈیز، افغانستان اور جنوبی افریقا کی ٹیمیں ہیں۔3 اور 4 فروری کو سیمی فائنلز جبکہ 6 فروری کو فائنل کھیلا جائے گا۔
