فرمان الہی
نماز کے اوقات
راولپنڈی (سٹاف رپورٹر) چیئرمین پی ٹی آئی بیرسٹر گوہر علی خان نے کہا ہے کہ ہمارا مینڈیٹ اب بھی قبول نہیں کیا جا رہا ہے، اگر یہی سلسلہ رہا تو ہم کسی اور لائن کی طرف جانے کا سوچیں گے،ہری پور کےہر پولنگ سٹیشن سےجیتے ،ہماری 27 ہزار کی لیڈ تھی،جیتی ہوئی سیٹ نہ دینا جمہوریت کے لیے اچھا شگون نہیں ، اگر ہمیں پتا ہوتا کہ ہمارا مینڈیٹ اب بھی قبول نہیں کیا جائے گا تو ہم ضمنی انتخابات میں حصہ نہ لیتے۔منگل کو اڈیالہ جیل کے قریب میڈیا سے گفتگو کرتے ہوئے کہا انہوں نے کہاکہ ایک جیتی ہوئی سیٹ نہ دینا جمہوریت کے لیے اچھا شگون نہیں ، ہم ہری پور کےہر پولنگ سٹیشن سےجیتے ،ہماری 27 ہزار کی لیڈ تھی، ان کاکہنا تھاکہ اس سے عوام میں مایوسی پھیلے گی اور برداشت ختم ہوگی، اب خیبرپختونخوا اور ہر جگہ کسی اور کا سکہ چل رہا ہے یہ ظلم ہے، ہم نے اتنی سختیاں برداشت کیں اور ہم سمجھ رہے تھے اس دفعہ ہمارا مینڈیٹ قبول کیا جائے گا مگر ہمیں میلی آنکھ سے دیکھا گیا اور مینڈیٹ قبول نہیں کیا گیا،ہمیں پتا ہوتا کہ ہمارا مینڈیٹ اب بھی قبول نہیں کیا جائے گا تو ہم ضمنی انتخابات میں حصہ نہ لیتے، ضمنی انتخابات میں ہم اپنی ہری پور سیٹ کا دفاع نہیں کرسکے۔
