• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ملک کے سب سے بڑے شہر کراچی میں چینی کی قیمتوں کو پر لگ گئے

آج کا اخبار
اہم خبریں
29 نومبر ، 2025
اسلام آ باد ( رانا غلام قادر )ملک کےسب سے بڑے شہرکراچی میں چینی کی قیمتوں کو پر لگ گئے۔صرف ایک ہفتےمیں شہرقائدمیں چینی کی فی کلوقیمت20 روپےتک بڑھ گئی۔ کراچی کےشہری ملک میں سب سے مہنگی 220روپےتک فی کلوچینی خریدنے پر مجبور ہیں۔ ایک ہفتے میں حیدرآبادمیں چینی کی فی کلو قیمت میں15روپے تک کااضافہ ریکارڈ کیاگیا۔ وفاقی ادارہ شماریات نے چینی کی قیمتوں کے نئےاعدادو شمار جاری کرد یے۔رپورٹ کے مطا بق ایک ہفتےمیں کراچی میں چینی کی فی کلوقیمت میں 20 روپے تک کا اضافہ ہوا۔ ملک میں چینی کی زیاد سےزیادہ فی کلو قیمت کراچی میں 220روپے تک ہے۔ حیدر آبادمیں چینی کی فی کلو قیمت 215 روپے تک ہے۔ ایک ہفتے میں کوئٹہ میں چینی کی فی کلوقیمت 2 روپے تک بڑھ گئی۔ کوئٹہ میں چینی کی زیادہ سے زیادہ فی کلو قیمت 216روپے ہے۔خضدارمیں چینی کی زیادہ سے زیادہ فی کلو قیمت210روپے ہے۔ لاڑکانہ میں چینی کی زیادہ سے زیادہ فی کلو قیمت 205 روپے ہے۔ اسلام آباد190اورپنجاب میں چینی کی زیادہ سےزیادہ فی کلو قیمت190روپے ہے۔ پشاور190اورسکھر میں چینی کی فی کلو قیمت195 روپے تک ہے۔ گزشتہ ایک ہفتےمیں چینی کی اوسط فی کلوقیمت میں37 پیسےکااضافہ ہوا۔ ملک میں چینی کی اوسط فی کلو قیمت بڑھ کر 189روپے 98پیسے ہوگئی۔ گذشتہ ہفتےتک ملک میں چینی کی اوسط فی کلو قیمت189روپے61پیسے تھی۔ایک سال قبل ملک میں چینی کی اوسط فی کلو قیمت131روپے85پیسے تھی۔
اہم خبریں سے مزید