فرمان الہی
نماز کے اوقات
اسلام آباد (خالد مصطفیٰ) صنعتی اور سرکاری ذرائع نے بتایا کہ پاکستان میں یکم دسمبر 2025 سے اگلے پندرہ روزہ عرصے کے لیے پیٹرولیم مصنوعات کی قیمتوں میں نمایاں کمی متوقع ہے، اور فی لیٹر 6.35 روپے تک کمی کا امکان ظاہر کیا جا رہا ہے۔ متوقع ریلیف کا سبب عالمی سپلائی میں اضافہ بتایا جا رہا ہے، جو خلیجی خطے کے سب سے بڑے ریفائننگ کمپلیکس میں سے ایک، کویت کی الزور ریفائنری کی متعدد یونٹس کی بحالی کے بعد ممکن ہوا ہے۔ 13 دن کے ڈیٹا پر مبنی ابتدائی حساب کے مطابق، پیٹرول کی قیمت میں 3.70 روپے فی لیٹر کمی کا امکان ہے، جس کے بعد قیمت 265.45 روپے سے کم ہوکر 261.75 روپے فی لیٹر ہو سکتی ہے۔ ہائی سپیڈ ڈیزل کی قیمت میں 4.28 روپے فی لیٹر کمی کا امکان ظاہر کیا جا رہا ہے، جس کے بعد قیمت موجودہ 284.44 روپے سے کم ہو کر تقریباً 280.16 روپے فی لیٹر ہو سکتی ہے۔ مٹی کے تیل (کيروسین) کی قیمت میں معمولی کمی متوقع ہے، یعنی 0.73 روپے کی کمی کے بعد اس کی قیمت 194.34 روپے سے کم ہو کر اندازاً 193.61 روپے فی لیٹر ہو سکتی ہے۔ اسی دوران، لائٹ ڈیزل آئل کی قیمت میں سب سے زیادہ کمی متوقع ہے۔ 6.35 روپے فی لیٹر کمی کے بعد اس کی قیمت 170.80 روپے سے کم ہو کر 164.45 روپے فی لیٹر ہو جائے گی۔
