• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

آئی سی سی بی ایس کی جامعہ کراچی سے علیحدگی، حکومت کی تصدیق

آج کا اخبار
اہم خبریں
29 نومبر ، 2025
کراچی(اسٹاف رپورٹر/آئی این پی )سندھ حکومت نے تصدیق کی ہے کہ وہ جامعہ کراچی میں قائم انٹرنیشنل سینٹر فار کیمیکل اینڈ بایولاجیکل سائنسزکو جامعہ کراچی سے الگ کر نے جا رہی ہے۔یہ بات پیپلز پارٹی کی رکن سندھ اسمبلی سید ماروی راشدی نے جمعہ کوسندھ اسمبلی میں ایم کیو ایم پاکستان کے رکن اسمبلی سید عادل عسکری کے توجہ دلائو نوٹس کے جواب میں بتائی۔انہوں نے کہا کہ مذکورہ سینٹر کو خود مختار بنایا جا رہا ہے جس سے اس کی کارکردگی میں اضافہ ہوگا۔جس پر ایم کیو ایم کے رکن اسمبلی عادل عسکری نےاستفسار کیا کہ اگر مذکورہ سینٹر کی علیحدگی کا مقصد اس کی کارکردگی کو بڑھانا ہے اسے الگ کرنے کی بجائے پوری جامعہ کراچی کو بہتر بنانے کے لئے اقدامات کیوں نہیں کئے جاتے۔ ایم کیو ایم کے رکن عادل عسکری نے اپنے توجہ دلاؤ نوٹس میں نشاندہی کی کہ آئی سی سی بی ایس اور ایچ ای جے تحقیقی ادارے کی کراچی یونیورسٹی میں مجوزہ علیحدگی سینڈیکیٹ، سینیٹ فیکلٹی یا ملازمین سے مشورے کے بغیر جاری ہے۔ اس بلڈنگ میں بارہ سینٹرز موجودہیں جوکئی ایم فل اور پی ایچ ڈی ایز کراتے ہیں۔
اہم خبریں سے مزید