• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

60 کروڑ روپے کی عدم ادائیگی، لیسکو نے بحریہ ٹاؤن لاہور کی بجلی منقطع کردی

آج کا اخبار
اہم خبریں
29 نومبر ، 2025
لاہور(رپورٹ عمران احسان) لیسکو نے ساٹھ کروڑ روپے عدم ادائیگی پر بحریہ ٹاؤن لاہور، بحریہ آرچرڈ ، بحریہ نشیمن اور بحریہ ای ایم سی کی بجلی جمعرات رات آٹھ بجے منقطع کردی، بجلی کی بندش کے بعد پانی کی فراہمی بھی معطل ہوگئی جس سے ہزاروں رہائشیوں کو سخت مشکلات کا سامنا کرنا پڑا، سینکٹروں افراد کو شہر میں اپنے رشتہ داروں کے ہاں جانا پڑا، رہائشیوں نے بحریہ ٹاؤن کے دفاتر کے باہر احتجاجی مظاہرہ کیا، مظاہرین نے کروڑوں روپے بل جمع نہ کروانے پر ذمہ داران کیخلاف کارروائی کا مطالبہ کیا، رہائشیوں نے مطالبہ کہ حکومت فوری طور نوٹس لیکر بحریہ ٹاؤن میں ایڈمنسٹریٹر مقرر کرے اور رہائشیوں کو بجلی کے بل براہ راست واپڈا کے اکاؤنٹ جمع کروانیکی اجازت دی جائے، بجلی اور پانی کی بندش کے باعث ہسپتالوں، کلینک کے معاملات بھی معطل ہوگئے، سکولوں میں چھٹی دیدی گئی، بحریہ ٹاؤن کے رہائشیوں میں یہ رائے عامہ بن گئی کہ حکومت نے ملک ریاض کی دشمنی میں بجلی منقطع کرکے عوام دشمنی مول لے لی ہے جو سخت زیادتی ہے، بجلی کے بعد پانی کی بندش سے ہزاروں افراد کو شدید تکلیف کا سامنا ہے۔
اہم خبریں سے مزید